З 1 сакавіка беларусы змогуць трапіць у Грузію
З 1 сакавіка беларусы змогуць трапіць у Грузію. У гэтай краіне здымаюць шэраг абмежаванняў, уведзеных для барацьбы з каранавірусам. Каб прыляцець у Грузію, трэба мець адмоўны ПЦР-тэст на каранавірус, зроблены не пазней, чым за 72 гадзіны да ўезду. Сухапутныя межы краіны па-ранейшаму застануцца закрытымі для турыстаў.
Грузіны ўжо рыхтуюцца да прыезду замежнікаў. З заўтрашняга дня адкрыюцца гатэлі на горных курортах, а з 8 сакавіка па ўсёй краіне зноў запрацуюць рэстараны (праўда, толькі ў закрытых памяшканнях).
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
