Захараў: Пасля чэмпіянату свету беларускі хакей чакаюць цяжкія часы (відэа)

Вось што Міхаіл Захараў сказаў у эфіры ток-шоў АНТ "Справа прынцыпу":

"У нас няма ў Беларусі такіх хакеістаў узроўня Грабоўскага, Касціцыных. Іх сёння няма. І калі гэты чэмпіянат свету пройдзе, пачнуцца самыя кепскія часы ў [беларускім] хакеі. Гэта адназначна. Можаце ўсе да гэтага рыхтавацца, адразу ж".

Міхаіл Захараў адзначыў, што ў айчынным хакеі існуе шмат самых разнастайных праблемаў, якія патрабуюць вырашэння. На чэмпіянаце свету ўдасца згуляць на "маральна-валявых якасцях", праз максімальную напругу ўсіх наяўных сілаў. А далей — правал, канстатуе Захараў.
 

Фота — pressball.by