Брэстаўчане правялі плакатную акцыю ў абарону свайго дома (фота)
Плакаты яны наляпілі на будынак аптэкі, пабудаваны супраць іх волі ў міжкалоннай прасторы дома.
Акцыя праведзеная сёння раніцай. Плакаты падкрэсліваюць, што у краіне няма справядлівых судоў, не выконваецца Канстытуцыя, не ахоўваецца права ўласнасці.
Нагадаем, будаўніцтва аптэкі пад домам №32 па набярэжнай Францыска Скарыны распачалося летась улетку. 90 жыхароў са ста падпісаліся пад пратэстам. Адбылася серыя судоў, якія жыхары прайгралі. Рашэнні мясцовых судоў жыхары спрабуюць апратэставаць у Вярхоўным судзе і Генеральнай пракуратуры.
