Дырэктар магілёўскай фірмы, які не плаціў падаткі, пазбег турмы

Камітэт дзяржкантролю пачаў крымінальную справу на дырэктара магілёўскага ТАА "Уютстройсервис". Дэпартамент фінансавых расследаванняў КДК выявіў, што прадпрымальнік ухіляецца ад выплаты падаткаў.

Як паведамляе interfax.by, дырэктар не адбіў па бухгалтарскім уліку прадпрыемства больш 680 млн рублёў і ўхіліўся ад выплаты падаткаў з гэтай сумы. З верасня 2007-га па студзень 2010-га і з траўня 2012-га па студзень 2013-га ён наўмысна хаваў акты здачы-прыёмкі выкананых рамонтных і будаўнічых работ. У выніку, у дакументах паказвалася заніжаная выручка, а бюджэт не дачакаўся падаткаў на 115 млн рублёў.

Прадпрымальнік прызнаў сваю віну і кампенсаваў нанесеную дзяржаве шкоду. Таму суд вырашыў пазбавіць яго ад адбыцця пакарання і толькі аштрафаваў на 75 млн рублёў (500 базавых велічыняў).