Дырэктарку мінскай турфірмы злавілі на крадзяжы — за грошы кампаніі купіла дом

У Мінску затрымалі дырэктарку адной з турфірмаў. Яе абвінавачваюць у крадзяжы сродкаў шляхам злоўжывання службовымі паўнамоцтвамі, заведзеная крымінальная справа.

Следчыя мяркуюць, што жанчына брала грошы прадпрыемства і выдаткоўвала іх на сябе. Такім чынам яна выкрала больш за 600 рублёў. Гэта былі грошы ад кліентаў за паслугі фірмы. Грошы не праводзіліся праз касу і не залічваліся на рахункі, а ляжалі ў сейфе. Ключ быў толькі ў дырэктаркі.

"Праз адсутнасць кантролю з боку заснавальнікаў абвінавачаная брала, на яе думку, нязначныя сумы і выдаткоўвала іх на асабістыя патрэбы: набыццё адзення, касметыкі, вандроўкі і паходы да касметолага", — расказалі ў СК. Потым дырэктарка вырашыла купіць сабе дом і ўзяла з сейфа для гэтых мэтаў яшчэ 75 тысяч долараў.

Прапажу грошай выявіў заснавальнік, калі вырашыў праверыць баланс прадпрыемства. Ён убачыў вынікі і звярнуўся ў міліцыю.