Эколаг Герасіменка: пытанне АЭС павінна прайсці праз рэферэндум
Эколаг Яўген Герасіменка падкрэсліў, што ва ўсім свеце меншыя аварыі на АЭС замоўчваюцца. А гарантый нават на найноўшыя АЭС няма.
Яўген Герасіменка, Беларуская Партыя зялёных: “Пытанне пабудовы АЭС неабходна выносіць на рэферэндум. У нас няма адпаведных кадраў. Само утрыманне АЭС для Беларусі будзе непрыбытковым. Гэта вялікія грошы. Тое, колькі каштуе ліквідацыя АЭС, яе спыненне, захванне адкідаў – таксама вялікія грошы”.
Еўрарадыё: Ці АЭС небяспечная пры нармальнай працы?
Герасіменка: “І новыя і старыя АЭС не выключаюць аварыі, гэта першае. Кожны дзень, нават на самых сусветнавядомых, паказальных АЭС ёсць аварыі, яны фіксуюцца як землятрусы – ёсць свая шкала балаў. Зразумела, што калі аварыя з вялікімі выкідамі ў атмасферу і акіян, з той жа “Факусімы” – гэта калапс, пра які ўсе даведваюцца, але калі апраменьванне атрымае адзін працаўнік, то гэта хутчэй замоўчваецца. Небяспечныя атрыбуты гэтага прадпрыемства захоўваецца, а як пра гэта паведамляецца, гэта ўжо іншая справа”.
Еўрарадыё: Чаму Беларусь гатовая інвеставаць вялікія грошы ў АЭС?
Герасіменка: “Я не ведаю, чаму. Для мяне гэта таксама дзіўна, бо аднаўляльная электраэнергетыка мае магчымасць будавацца за меншыя грошы, за меншыя ўліванні”.
Падрабязней размову з эколагам слухайце на прайгравальніку справа ад артыкула.
Фота: svob-town.ru
