Глыбоцкіх школьнікаў прымусяць здаваць сельгаспрадукцыю
Такое даручэнне даў кіраўнік раёна Алег Морхат на чарговым паседжанні райвыканкама.
Кожнай навучальнай установе будзе даведзены план па здачы яблыкаў, сліваў, грушаў, морквы, бульбы, паведамляе раёнка “Веснік Глыбоччыны”.
Кіраўнік раёна запатрабаваў, каб улады адсочвалі выкананне планаў школамі. "Адказнасць павінна быць! У нас вялікі патэнцыял нявыкарыстаных рэзерваў як у плане плодагародніннай прадукцыі, так і мясной. Можам гадаваць і авечак, і індыкоў, і трусоў… Адна праблема: няма жадання напружвацца", — заявіў Алег Морхат.
Фота — babyblog.ru
