Лукашэнка і Пуцін у сераду двойчы абмеркавалі па тэлефоне Украіну

Пра гэта паведамляе interfax.by са спасылкай на прэс-службу Аляксандра Лукашэнкі. Гаворыцца, што пільную ўвагу Лукашэнка і Пуцін надалі сітуацыі ва Украіне ў сувязі з падпісаннем ёю пагаднення аб асацыяцыі з Еўрасаюзам і забаронай на ўвоз асобных тавараў з Украіны ў Расійскую Федэрацыю.

Кіраўнікі Беларусі і Расіі абмеркавалі магчымую агульную сустрэчу з прэзідэнтамі Казахстана і Украіны. Лукашэнка прапанаваў правесці яе ў Мінску. 

Тэму будучай сустрэчы кіраўнік Беларусі абмяркоўваў таксама ў тэлефоннай размове з прэзідэнтам Казахстана Нурсултанам Назарбаевым. 

Фота — vedomosti.ru