Лукашэнка пра кіеўскі Майдан: Калі возьмуць уладу, гэта надоўга
Кіраўнік Беларусі ў аўторак сустракаўся з кіраўнікамі шэрагу дзяржаўных і недзяржаўных беларускіх СМІ.
Між іншым, Аляксандр Лукашэнка выказаўся і пра апошнія падзеі ва Украіне.
"Тое, што адбываецца ва Украіне — гэта кашмар, гэта катастрофа, — цытуе яго словы БелаПАН. — Гэта не мая справа, там і без мяне разбяруцца, папросяць мяне — я скажу "так" ці "не", дапамагу альбо не. Калі возьмуць уладу ў гэтыя прэзідэнцкія выбары тыя, якія грамяць, — гэта надоўга".
Аляксандр Лукашэнка выказаў надзею, што канфлікт ва Украіне вырашыцца і не паўплывае на дзейнасць СНД, дзе Украіна старшынствуе ў 2014 годзе.
