Мінадукацыі прапануе ўвесці мабільны тарыф "Настаўніцкі"
Перамовы пра яго вядуцца з аператарамі мабільнай сувязі.
Пра гэта паведаміў рэктар Беларускага дзяржаўнага педуніверсітэта імя Максіма Танка Аляксандр Жук.
Па яго словах, якія перадае БЕЛТА, гэта адна з прапаноў, якія разглядаюцца цяпер мабільнымі аператарамі Беларусі — па сацыяльнай падтрымцы настаўніцтва. Тарыф "Настаўніцкі" прадугледжвае зніжкавую сістэму на тэлефонныя размовы.
Папярэднія перамовы наконт такой меры прайшлі ў Міністэрстве адукацыі, і цяпер ідзе праца па магчымай рэалізацыі такога праекта. Жук адзначыў, што пакуль яшчэ рана казаць пра тэрміны ўвядзення такога плану.
Фота — БЕЛТА
