Мясніковіч паведаміў, як у 2015-м будуць расці заробкі бюджэтнікаў

Заработная плата работнікаў бюджэтнай сферы ў Беларусі ў 2015 годзе будзе расці хутчэй тэмпаў інфляцыі. Пра гэта 10 лістапада заявіў прэм'ер-міністр Міхаіл Мясніковіч на сустрэчы з дэпутатамі Палаты прадстаўнікоў. На ёй таксама прысутнічалі кіраўнікі міністэрстваў эканомікі і фінансаў, прадстаўнікі Нацыянальнага банка Беларусі.

"Што тычыцца заработнай платы бюджэтнікаў, то яна будзе прырастаць некалькі вышэй, чым інфляцыя. Гэта значыць па-чыстаму будзе павелічэнне", — цытуе словы Мясніковіча БЕЛТА.

Дарэчы, па словах прэм'ера, у наступным годзе суадносіны сярэдняга заробку бюджэтнікаў і сярэдняй заработнай платы па краіне некалькі палепшыцца. Яны вырастуць да 75,1%.

Сёння ж Міхаіл Мясніковіч заявіў, што Беларусь плануе зарабіць у 2015 годзе на экспарце сельгаспрадукцыі $7 млрд. Было таксама адзначана, што прафіцыт бюджэта 2015 года найперш скарыстаюць на выплату знешняга дзяржаўнага доўгу.