На ЧАЭС упершыню пасля пачатку вайны запрацавалі радыяцыйныя дэтэктары
Узровень радыяцыі вакол Чарнобыльскай АЭС адпавядаюць нормам. Пра гэта заявіў гендырэктар Міжнароднага агенцтва па атамнай энергіі (МАГАТЭ) Рафаэль Гросі.
"Дзясяткі дэтэктараў радыяцыі зноў перадаюць звесткі з раёна вакол Чарнобыльскай АЭС пасля таго, як Украіна пры тэхнічнай падтрымцы МАГАТЭ аднавіла жыццёва важны інфармацыйны канал, які быў перапынены на пачатку канфлікту", — напісаў Гросі ў Твітары.
На ЧАЭС было 39 радыяцыйных дэтэктараў. Большасць з іх цяпер бачныя ў сістэме маніторынгу МАГАТЭ, зазначыў Гросі. Па яго словах, узровень радыяцыі адпавядае даваеннаму.
У МАГАТЭ кажуць, што сетка радыяцыйнага кантролю ў раёне ЧАЭС перастала дзейнічаць 24 лютага, у першы дзень расійскай агрэсіі. Расійскія войскі занялі Чарнобыльскую АЭС і кантралявалі яе цягам пяці тыдняў. Саму станцыю і горад Славуціч яны пакінулі 31 сакавіка.
Dozens of radiation detectors are once again transmitting data from the area around the #Chornobyl Nuclear Power Plant after #Ukraine – with @IAEAorg technical support – revived a vital information link that was cut at the start of the conflict. https://t.co/AgQICV4FCl
— Rafael MarianoGrossi (@rafaelmgrossi) June 7, 2022
