Украіне трэба мабілізаваць 500 тысяч чалавек — дэпутат Вярхоўнай Рады

Украіне трэба мабілізаваць 500 тысяч чалавек. Пра гэта заявіў сакратар камітэту Вярхоўнай Рады па нацыянальнай бяспецы Раман Касценка.

Пасля зменаў у заканадаўстве гэтай вясной тэмпы мабілізацыі выраслі, але ў верасні ізноў пайшлі на спад, адзначае дэпутат. Ён адзначае, што колькасць салдат не адпавядае патрэбам арміі Украіны.

"Улічваючы тыя лічбы, якія ёсць, і ўлічваючы, якія нам трэба папаўненне, я ўсё ж такі больш згаджаюся з ім (з былым галоўнакамандуючым Залужным) і лічу, што такая лічба (500 тысяч) больш актуальная, чым тое, колькі мы набіраем”, — сказаў дэпутат, яго цытуе Hromadske.

Украінскія ўлады пры зніжэнні ўзросту мабілізацыі сёлета планавалі, што УСУ атрымае каля 200 тысяч чалавек.