NATO не бачыць пагрозы ў вучэннях "Захад 2017"
![NATO не бачыць пагрозы ў вучэннях "Захад 2017"](/sites/default/files/styles/gallery_main/public/2023-08/stoltenberg_nato.jpg.webp?itok=Viun7Xy2)
NATO не бачыць у вучэннях "Захад 2017" пагрозаў для краін — сябраў Паўночнаатлантычнага альянсу. Пра гэта пасля абмену звесткамі пра вучэнні, які адбыўся на пасяджэнні Рады Расія — NATO, распавёў журналістам Енс Столтэнберг, генеральны сакратар NATO.
Столтэнберг сцвярджае, што любая краіна мае права праводзіць вучэнні, і не трэба бачыць у гэтым пагрозы.
Расія праінфармавала іншыя краіны аб колькасці войскаў, якія будуць задзейнічаныя падчас вучэнняў, а таксама пра колькасць паветранай і марской ваеннай тэхнікі. Лічбы не перавышаюць парог, усталяваны Венскім дакументам.
У NATO мяркуюць, што ў вучэннях могуць узяць удзел больш вайскоўцаў, чым заяўлена афіцыйна. Але пагрозаў усё роўна не бачаць.
Вучэнні "Захад-2017" пройдуць з 14 па 20 верасня. Паўночнаатлантычны альянс будзе сачыць за іх правядзеннем.