Ніводнага смяротнага прысуду не было ў Беларусі за мінулы год
Белстат апублікаваў звесткі пра колькасць асуджаных за тыя ці іншыя злачынствы за апошнія гады.
Насупраць звестак аб колькасці асуджаных да смяротнага пакарання за 2012 год стаіць прочырк. Гэта азначае, што ў краіне такая “з’ява адсутнічае”.
Для параўнання, у 2011 на смерць былі асуджаныя трое беларусаў (двое з іх — Дзмітрый Канавалаў і Уладзіслаў Кавалёў, прысуд у дачыненні якіх быў прыведзены да выканання летась), у 2008–2010 — па двое штогод.
Што да пажыццёвага зняволення, то да яго летась, як і пазалетась, асудзілі чатырох злачынцаў, інфармуе “Наша Ніва”.
