Пад Брэстам адбылася акцыя салідарнасці з Кірылам Сілівончыкам (фота)

Невядомыя актывісты вывесілі пад Брэстам вялікі плакат "Слава Украіне! Жыве Беларусь!". Плакат з'явіўся 22 красавіка на шашы "Брэст — Мінск". На ім — выява
ўкраінскага салдата, які рве і топча расійскі сцяг. Цалкам магчыма, што менавіта за гэты малюнак, размешчаны на старонцы ў сацыяльнай сетцы, і быў асуджаны ў Расіі Кірыл Сілівончык.

Нагадаем, што днямі стала вядома, што Маскоўскі акруговы вайсковы суд прысудзіў да двух гадоў калоніі-пасялення 22-гадовага грамадзяніна Беларусі, які працаваў сістэмным адміністратарам на адным з заводаў у Ніжнім Ноўгарадзе. Нагодай сталі публікацыі, які Сілівончык размесціў у сацыяльнай сетцы ВКонтакте.

Малады чалавек быў прызнаны вінаватым па артыкуле “публічнае апраўданне тэрарызму ці публічныя заклікі да яго”. Як заяўляе пракуратура, у прыватнасці, ён заклікаў “забіваць маскалёў” і “вярнуць Крым Украіне”.