Пяткевіч кажа, што людзі ідуць галасаваць датэрмінова "у сілу розных прычын"
Датэрміновае галасаванне ў Камянецкім раёне / t.me/navinykam/
ЦВК сцвярджае, што яўка ў першыя тры дні датэрміновага галасавання на "прэзідэнцкіх выбарах" у Беларусі склала аж 27,15%! Калі ў першы дзень назвалі 7,81%, дык у другі дадалі амаль 10%, амаль столькі ж і ў трэці. Першая намесніца кіраўніка Адміністрацыі Лукашэнкі Наталля Пяткевіч разумее, што такія лічбы выклікаюць недавер.
"Разумею, што могуць быць усякія інсінуацыі, якія з розных бакоў раздаюцца пра нейкае прымусовае галасаванне і гэтак далей, — цытуе словы Пяткевіч minsknews.by. — Хай проста сходзяць і паглядзяць на ўчасткі: сапраўды ідзе велізарная колькасць людзей, якія жадаюць прагаласаваць у сілу розных прычын. Камусьці хочацца хутчэй прагаласаваць або вызваліць выхадны дзень".
