Актывісткі FEMEN накінуліся на Берлусконі (відэа)
Трох паўаголеных дзяўчат затрымалі на выбарчым участку ў Мілане, дзе былы прэм’ер Італіі галасаваў на парламенцкіх выбарах.
Дзяўчаты накінуліся на палітыка. На іх спінах быў напісаны лозунг “Basta Berlusconi” (“Досыць, Берлусконі”).
Інну Шаўчэнка, Аксану Шачко і Эльвір Дзювель-Шарлес адразу ж затрымала паліцыя і вывела на вуліцу. Там на дзяўчат з немалымі цяжкасцямі надзелі курткі і кайданкі.
Актывісткі FEMEN прарваліся скрозь натоўп журналістаў на выбарчым участку і заскочылі на сталы для галасавання. Непасрэдна да Сільвіа Берлусконі яны падысці не паспелі, перадае ВВС.
