Аляксандр Атрошчанкаў затэлефанаваў жонцы
Дар'я Корсак атрымала тэлефанаванне ад мужа з папраўчай калоніі "Віцьба-3".
Як інфармуе "Хартыя'97", падчас кароткай гутаркі палітвязень паспеў паведаміць, што да яго ніхто не звяртаўся з просьбай напісаць Лукашэнку прашэнне пра памілаванне. На думку Атрошчанкава, яго са зняволення адпусцяць адным з апошніх. Нагадаем, 13 жніўня выйшлі на волю 9 палітвязняў, арыштаваных па "справе 19 снежня". Прэс-служба Аляксандра Лукашэнкі паведаміла, што яны звярталіся да кіраўніка краіны з прашэннем аб памілаванні.
Атрошчанкаў таксама паведаміў жонцы, што хоча паступіць вучыцца ў прафтэхвучэльню, якая знаходзіцца на тэрыторыі калоніі. Спецыяльнасць сабе ён пакуль не абраў.
