Cуд над заснавальнікам "Кнігі — поштай" працягнецца 1 жніўня
29 ліпеня ў суд прыйшлі 6 сведкаў з боку кнігара Алеся Яўдахі.
Паводле інфармацыі Радыё "Свабода", суду хапіла прыкладна дзвюх гадзін, каб выслухаць іх.
Нагадаем, працэс ідзе ў судзе Кастрычніцкага раёну Мінску. Заснавальніка інтэрнэт-сэрвісу "Кнігі — поштай" Алеся Яўдаху вінавацяць у незаконнай прадпрымальніцкай дзейнасьці за тое, што дапамагаў людзям набываць беларускія кнігі.
Яўдаха дасылаў праз пошту кнігі вядомых беларускіх аўтараў: Васіля Быкава, Уладзіміра Арлова, Міколы Ермаловіча, Рыгора Барадуліна ды іншых, якія людзі не маглі набыць у дзяржаўных крамах. Пракуратура ў гэтым угледзела незаконнае прадпрымальніцтва і звярнулася ў суд. Сам Яўдаха сваёй віны не прызнае.
