Лісты Атрошчанкаву блакуюць працу турэмнай цэнзуры
Асуджанаму за Плошчу журналісту пішуць так шмат, што турэмныя наглядчыкі не паспяваюць праглядзець усю карэспандэнцыю.
Лісты і паштоўкі на знак падтрымкі Аляксандру Атрошчанкаву дасылаюць з усяго свету. Як паведаміла Радыё Свабода яго жонка Дар’я Корсак, адміністрацыя Віцебскай калоніі прасіла дасылаць лісты вязню толькі на беларускай, рускай ці англійскай мовах.
Аляксандр Атрошчанкаў быў у часе перадвыбарчай кампаніі прэсавым сакратаром кандыдата Андрэя Саннікава. За нібыта ўдзел у "масавых беспарадках" яму прысудзілі 4 гады калоніі.
