У Гродне суд аштрафаваў толькі двух "маўчуноў"
Па яшчэ 67 затрыманых суд запатрабаваў ад міліцыянтаў доказы.
Пра гэта піша газета "Вечерний Гродно".
Нагадаем, людзей затрымалі 3 ліпеня. Іх звінавацілі ў правядзенні несанкцыяванай акцыі. Па звестках праваабаронцаў дваім асуджаным прысудзілі штрафы ў 1 млн 50 тысяч і 1 млн 15 тысяч рублёў.
Справы астатніх грамадзян суд разглядаць не стаў. І запатрабаваў ад міліцыі даказаць з дапамогай відэазапісаў, што кожны з затрыманых удзельнічаў у несанкцыяванай акцыі.
Праваабаронцы паведамілі Еўрарадыё, што суды працягнуліся 6 ліпеня.
