У Маладзечне адбыўся перформанс з дзіравымі рондалямі
Маладыя людзі селі пад помнікам Леніна на Цэнтральнай плошчы і пачалі грымець пустым посудам. Відавочна, гэта быў намёк на эканамічную сітуацыю ў краіне.
Праз колькі хвілінаў да ўдзельнікаў акцыі падышоў мінак і запытаўся, што яны робяць. Адышоўшы ў бок, гэты “выпадковы мінак” па мабільным тэлефоне стаў выклікаць “падмацаванне”. Аб гэтым даведаліся ўдзельнікі — і паспяшаліся сысці. Неўзабаве пад’ехала група міліцыянтаў і паспрабавала дагнаць некаторых арганізатараў перформанса, але хлопцам удалася змяшацца з натоўпам ды ўцячы. На прыступках помніка Леніна толькі застаўся ляжаць пусты дзіравы рондаль, распавядае “Праваабарончая хроніка”.
