"За аўто" просіць ДАІ не пераследаваць удзельнікаў акцыі "Стоп-бензін"
Адпаведны зварот распаўсюдзіла зарэгістраваная ўстанова "За Аўто". Ёй кіруе Арцём Шаркоў.
У дакуменце адзначаецца, што законных падставаў для пераследу ўдзельнікаў няма.
Нагадаем, прадстаўнікі ДАІ заяўлялі, што па нумарах на відэаздымках вызначаць усіх удзельнікаў акцыі, якая прайшла ў Мінску 7 чэрвеня. Удзельнікам акцыі даішнікі пагражалі пакараннямі.
У заяве ўстановы "За Аўто" гаворыцца, што рэпрэсіі супраць удзельнікаў акцыі надаюць самой акцыі "Стоп-бензін" палітычную афарбоўку. Аўтары заявы заклікаюць даішнікаў не настройваць людзей супраць сябе і не падрываць аўтарытэт сваёй арганізацыі.
