Румас: рыхтуюцца прапановы Лукашэнку па падтрымцы прадпрыемстваў і бізнесу
![Румас: рыхтуюцца прапановы Лукашэнку па падтрымцы прадпрыемстваў і бізнесу](/sites/default/files/styles/gallery_main/public/2023-08/dsc_6446_0.jpg.webp?itok=_CXHaiuJ)
Беларускі ўрад рыхтуе прапановы Аляксандру Лукашэнку па падтрымцы айчынных прадпрыемстваў і бізнесу. Пра гэта ў аўторак распавёў прэм'ер-міністр Сяргей Румас. Паводле яго слоў, гэта першы такі пакет мер, яго распрацавала Міністэрства эканомікі і "прапрацавалі з бізнес-саюзамі".
"Для таго, каб дапамагчы прадпрыемствам лягчэй прайсці вось гэты складаны перыяд", — патлумачыў Румас неабходнасць агучанага праекту.
Таксама Мінэканомікі "прапанавала шырокі набор інструментаў, які ўключае ў сябе і падатковыя канікулы, і крэдытныя канікулы, і падтрымку індывідуальных прадпрымальнікаў".
31 сакавіка ўрад плануе прыняць гэты пакет мер і звярнуцца да кіраўніка дзяржавы з прапановай яго падтрымаць. Далейшыя крокі будуць залежыць ад развіцця сітуацыі, заявіў Сяргей Румас.
Падчас пандэміі каранавіруса многія краіны свету намагаюцца падтрымаць прамысловасць, бізнес і звычайных грамадзян.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.