Тэатральны фэст у Брэсце завяршыўся вулічным спектаклем. Фотарэпартаж
Вулічным спектаклем завяршыўся тэатральны фэст у Брэсце. XXI Міжнародны тэатральны фестываль "Белая вежа” праходзіў 9-16 верасня. У апошні яго вечар на плошчы Леніна выступіў Тэатр новага фронту з Прагі. Чэхі прадставілі спектакль "Causa Fatalitis", цягам якога акторы не сказалі ніводнага слова. Пастаноўку артысты паказалі пры дапамозе дзеянняў, танцаў і акрабатычных эцюдаў.
Сёлета ў “Белай вежы” прынялі ўдзел 28 тэатральных калектываў з 16 краін. Беларусь цягам фэсту наведалі тэатры з Расіі, Украіны, Казахстану, Грузіі, Арменіі, Азербайджана, Кыргызтану, Малдовы, Румыніі, Польшчы, Чэхіі, Латвіі, Нямеччыны, Францыі і Вялікабрытаніі.
