У аўторак у Беларусі — да +35, месцамі кароткачасовыя дажджы
Метэаролагі абвясцілі аранжавы ўзровень небяспекі ў сувязі са спякотай.
11 жніўня ў Беларусі чакаецца пераменная воблачнасць. Месцамі пройдуць кароткачасовыя дажджы, навальніцы. Уначы і зранку ў асобных раёнах магчымы слабы туман. Вецер будзе няўстойлівы 2-7 метраў за секунду, пры навальніцах — парывы да 14 метраў за секунду.
Тэмпература паветра ўначы складзе 16-21 градусаў вышэй за нуль, месцамі — +12...+15 градусаў, перадае БЕЛТА.
Днём чакаецца 27-34 градусы цяпла, па поўдні месцамі паветра прагрэецца да +35.
Фота: БЕЛТА
