У Бабруйску знайшлі 1000-гадовы шлем (фота)

У Бабруйску знайшлі 1000-гадовы шлем, інфармуе БЕЛТА. Гэта ўнікальная знаходка. На яе натрапілі падчас працаў у рачным порце.

Старшыня пастаяннай камісіі па адукацыі, культуры і навуцы Палаты прадстаўнікоў, гісторык і археолаг Ігар Марзалюк кажа, што шлем добра захаваўся. У Беларусі такіх знаходак дагэтуль не было, але яны зафіксаваныя ва Украіне. У бліжэйшыя выхадныя дні на месцы, дзе знайшлі шлем, правядуць раскопкі. Марзалюк спадзяецца, што будуць і іншыя знаходкі.