У Мінску на пажары выратавалі дзяўчынку, яна ў рэанімацыі
![У Мінску на пажары выратавалі дзяўчынку, яна ў рэанімацыі](/sites/default/files/styles/gallery_main/public/2023-08/photo1641910237-_1_.jpeg.webp?itok=OTFYTlH1)
У Мінску на пажары выратавалі дзяўчынку, яна ў рэанімацыі. Як паведамляе прэс-служба МНС, здарэнне адбылося 11 студзеня пасля 15-й гадзіны. Пажар узнік у адной з кватэр на другім паверсе шматпавярховіка па вуліцы Тургенева. Высветлілася, што ў адным з пакояў загаралася хатняя маёмасць (прычына ўзгарання пакуль невядомая).
На падлозе ў кватэры знайшлі дзяўчынку (каля шасці гадоў), якая была без прытомнасці. Ратавальнікі вынеслі яе на паветра і перадалі медыкам. Яны правялі сардэчна-лёгачную рэанімацыю і аднавілі сэрцабіцце дзіцяці.
![У Мінску на пажары выратавалі дзяўчынку, яна ў рэанімацыі](/sites/default/files/paragraphs/image/photo1641909855-1.jpeg)
На месцы пажару / minsk.mchs.gov.by
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.