У Пружанах загінула маці, якая выхоўвала 11 дзяцей
Паводле папярэдніх звестак, жанчына павесілася. 1 верасня Кацярыне Анохавай споўнілася 39 гадоў.
Як паведамляе партал TUT.BY, у нядзелю ў раённую лякарню Пружанаў з прыкметамі павешання даставілі Кацярыну Анохаву. Разам з мужам Аляксандрам яна выхоўвала 11 дзяцей — дваіх біялагічных і 9 прыёмных ці ўсыноўленых. На жаль, выратаваць жанчыну не ўдалося.
У Пружанскай лякарні журналістам пацвердзілі, што 27 кастрычніка да іх з прыкметамі павешання даставілі жанчыну.
Фота — tut.by
