У Рэчыцкім раёне мужчына каменем забіў сляпога сабаку
У Рэчыцкім раёне ў адной з вёсак 31-гадовы мужчына каменем забіў амаль сляпога сабаку. Яго затрымалі, распачата крымінальная справа (па артыкуле "жорсткае абыходжанне з жывёлай").
Як паведамляе прэс-служба Следчага камітэта, мужчына ехаў на аўтамабілі і пабачыў чужога сабаку, які сядзеў каля брамкі яго аднавяскоўца. Ён спыніў машыну, выйшаў з салона, падняў з зямлі камень і кінуў яго ў галаву жывёле. Праз некалькі гадзін сабака сканаў.
Гэта чацвёрты выпадак здзеку над хатнімі жывёламі ў нашай краіне, пра які стала вядома за вельмі кароткі час.
