У рэйтынгу валодання англійскай мовай Беларусь паміж Гватэмалай і Расіяй
![У рэйтынгу валодання англійскай мовай Беларусь паміж Гватэмалай і Расіяй](/sites/default/files/styles/gallery_main/public/2023-08/education-4382169_960_720.jpg.webp?itok=M5uawCiF)
Па ўзроўні валодання англійскай мовай Беларусь заняла 47-е месца, яна знаходзіцца паміж Гватэмалай і Расіяй. Рэйтынг склала міжнародная кампанія Education First, якая спецыялізуецца на вывучэнні моў. Апытанне ахапіла больш за 1 мільён чалавек з 100 краін свету.
У жыхароў Беларусі, як і ў расіян, украінцаў, узровень валодання англійскай мовай нізкі. У латвійцаў ён сярэдні, у літоўцаў — высокі, а ў палякаў — вельмі высокі.
Найлепш англійскай мовай валодаюць жыхары Нідэрландаў, Швецыі, Нарвегіі і Даніі. Найгоршая сітуацыя ў Лівіі, Саудаўскай Аравіі і Кыргызстане.
Цікава, што сярод гарадоў свету Мінск трапіў у лік тых, у жыхароў якіх сярэдні ўзровень валодання англійскай мовай.
![У рэйтынгу валодання англійскай мовай Беларусь паміж Гватэмалай і Расіяй](/sites/default/files/paragraphs/image/rej.png)
![У рэйтынгу валодання англійскай мовай Беларусь паміж Гватэмалай і Расіяй](/sites/default/files/paragraphs/image/rej2.png)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.