У студзені за расійскі газ Беларусь заплаціць па коштах 2014 года

Кошт на расійскі газ для Беларусі ў студзені 2015-га будзе адпавядаць яго кошту ў 2014 годзе, а з лютага кошт будзе іншы. Пра гэта інфармуе БЕЛТА са спасылкай на ААТ "Газпрам трансгаз Беларусь". Прадстаўнікі кампаніі не ўдакладняюць лічбы, заяўляючы аб прыватнасці інфармацыі.

Цяпер кошт 1 тысячы кубаметраў газу для Беларусі складае каля 168 долараў. Раней першы віцэ-прэм'ер Беларусі выказваў здагадку, што ў 2015 годзе кошт за газ можа быць на ўзроўні 154-155 долараў.

Плануецца, што ў наступным годзе ў Беларусь паставяць каля 20 млрд кубаметраў газу — прыкладна столькі ж, як і сёлета. Транзіт расійскага газу праз Беларусь у 2015 годзе складзе арыенціровачна 45 млрд кубаметраў.

Фота — Fotolia/PhotoXPress.ru