Украінскае войска атрымала кантрабандныя беларускія цыгарэты
Цыгарэты з Беларусі для ўкраінцскіх вайскоўцаў / esbu.gov.ua
Украінскае войска атрымала кантрабандныя беларускія цыгарэты. Вайскоўцам іх перадаў украінскі суд. Як паведамляе Бюро эканамічнай бяспекі Украіны, больш за 40 тысяч пачкаў цыгарэт беларускай вытворчасці без акцызных марак знайшлі ў грузавіку, якім кіраваў украінец. Кошт кантрабанднага груза ацанілі на 1,5 млн гр. (каля 37 тысяч долараў).
Ва ўмовах немагчымасці прамых паставак кантрабанды ва Украіну з Беларусі, арганізатары "праклалі" маршрут праз Еўрасаюз.
