Хакейны клуб "Нэшвіл" паспрабуе абмяняць Сяргея Касціцына
Пра гэта паведаміў аглядальнік The Tennessean Джош Купер.
Па яго словах, якія прыводзіць "Прессбол", "Нэшвіл" хоча абмяняць беларускага хакеіста, для якога мінулы сезон апынуўся проста катастрафічным. Паказчыкі Касціцына былі самымі нізкімі ў кар'еры. Між тым, клуб плаціць беларусу заробак у тры мільёны долараў.
Праўда, адзначае аглядальнік, "Нэшвілу" будзе цяжка знайсці ахвотнікаў узяць 26-гадовага Касціцына, які яшчэ два гады таму закідваў па 23 шайбы за сезон.
Фота — allhockey.ru
