Хэнлан патлумачыў, чаму ў зборнай Беларусі няма Плата і Калюжнага (відэа)
Беларуская хакейная дружына рыхтуецца да міжнароднага турніра Arosa Challenge ў Швейцарыі.
Ён пройдзе 20-21 снежня. На турнір у Швейцарыю паедуць 22 гульцы. Ужо ў пятніцу беларусы згуляюць з камандай Славакіі.
"Мы пагаварылі з Джефам [Платам] і вырашылі, што для яго будзе лепш прапусціць гэты збор. Хакеіст атрымлівае шмат гульнявога часу ў "Дынама". У гэтай паўзе яму неабходна адпачыць", — цытуе словы галоўнага трэнера беларускай зборнай Глена Хэнлана тэлеканал "Беларусь 1".
"Прессбол" дадае, што Аляксею Калюжнаму Хэнлан вырашыў даць магчымасць аднавіцца пасля траўмы, з якой ён змагаўся падчас апошніх матчаў мінскага "Дынама".
Фота — Delfi
