Кантынентальная хакейная ліга аштрафавала на 1500 долараў омскі "Авангард"
Так КХЛ адрэагавала на выказванне беларускага форварда Сяргея Касціцына пасля прайгранага матча з ЦСКА.
Нагадаем, Касціцын палічыў несправядлівым выдаленне да канца матча партнёра па камандзе Сяргея Шырокава і назваў суддзяў "цыркачамі", перадае goals.by.
"Проста яны судзіць не ўмеюць, вось і ўсё", — такую выснову зрабіў беларускі хакеіст.
КХЛ нагадала "Авангарду", што ў адпаведнасці з рэгламентам клуб абавязаны не дапускаць публічных негатыўных выказванняў пра судзейства з боку гульцоў і трэнераў на працягу 24 гадзінаў пасля паядынку.
Фота — ria.ru
