Новы альбом U2 праслухалі больш за 80 мільёнаў карыстальнікаў Apple
Праўда, некаторыя з іх былі не задаволеныя навязваннем "Song of Innocence", таму Apple давялося прыдумаць дадатак, які мог выдаліць альбом.
Новы альбом U2 "Song of Innocence" паслухалі больш за 81 мільён карыстальнікаў. Пра гэта выданню Billboard распавёў Эдзі К’ю, віцэ-прэзідэнт Apple, адказны за інтэрнэт-сэрвісы. У статыстыку ўключаныя праслухоўванні праз iTunes, iTunes Radio і нядаўна набыты Apple сэрвіс Beats.
Нагадаем, пласцінка з'явілася ў бібліятэках 500 мільёнаў уладальнікаў яблычнай прадукцыі 9 верасня — у адзін дзень з выхадам новага смартфона iPhone 6. Падарунак прыйшоўся па душы не ўсім карыстальнікам iTunes, і праз некаторы час Apple выпусцілі спецыяльны сродак для выдалення пласцінкі з бібліятэкі.
Усяго з моманту адкрыцця сэрвіса Itunes (2003 год) музыку U2 там набылі 14 мільёнаў чалавек.
На думку аналітыкаў, альбом на фізічным носьбіце (у выданне будзе ўключана 10 дадатковых трэкаў) толькі ў ЗША павінны купіць яшчэ 70 тысяч карыстальнікаў.
Паводле zvuki.ru
Фота: www.fanpop.com
