Някляеў каля гадзіны размаўляў у Кіеве з Парашэнкам
![Някляеў каля гадзіны размаўляў у Кіеве з Парашэнкам](/sites/default/files/styles/gallery_main/public/2023-08/np2017.jpg.webp?itok=8jdGDIZT)
Уладзімір Някляеў каля гадзіны размаўляў у Кіеве з Пятром Парашэнкам. Сустрэча прайшла сам-насам у Адміністрацыі прэзідэнта. Беларускі паэт і палітык быў запрошаны ва Украіну на цырымонію ўшанавання памяці Герояў Нябеснай Сотні, інфармуе Радыё Свабода.
Паводле слоў Някляева, ён размаўляў з Парашэнкам "пра палітычную і эканамічную сітуацыю, якая склалася вакол Беларусі". Украінскі прэзідэнт адзначыў, што калі Беларусь будзе дэмакратычная і еўрапейская, яна стане мацнейшаю. А калі наша краіна застанецца аўтарытарнай і прарасійскай, то сітуацыя для яе будзе вельмі небяспечнай. Таксама гаворка была пра літаратуру.
Уладзімір Някляеў згадаў пра беларуса Міхаіла Жызнеўскага, які загінуў у 2014 годзе падчас рэвалюцыі ў Кіеве. Пётр Парашэнка паабяцаў, што асабіста пасадзейнічае, каб Жызнеўскі атрымаў званне Героя Украіны.