Паліцыя ЗША пачала страляць GPS-кулямі (фота, відэа)
Амерыканскія паліцыянты падчас пагоні за злачынцамі пачалі выкарыстоўваць новую прыладу.
Каб не страціць аўтамабіль, які спрабуе ўцячы, у яго страляюць з пнеўматычнай гарматы GPS-патронамі. Прылада распрацавана кампаніяй StarChase.
Гармата з лазерным навядзеннем мацуецца на паліцэйскай машыне. Дадзеныя з GPS-куль перадаюцца ў дыспетчарскі цэнтр.
Устаноўка гарматы абыходзіцца ў 5000 долараў, а набыццё адной кулі — у 500 долараў.
