Афіцыйны Мінск незадаволены заявай Камітэта ААН па правах чалавека
Беларускае МЗС лічыць неправамернай заяву Камітэта ААН, што нага краіна парушыла міжнародныя абавязанні.
Пра гэта агенцтву БЕЛТА заявіў прэс-сакратар МЗС Андрэй Савіных.
Нагадаем, што нагодай для гучнай міжнароднай заявы стала выкананне двух смяротных прысудаў. Справы Алега Грышкаўцова і Андрэя Бурдыкі яшчэ знаходзіліся на разглядзе Камітэта ААН на момант іх смерці.
Афіцыйны Мінск, аднак, лічыць, што ацэнкі Камітэта ААН не адпавядаюць Міжнароднаму пакту пра грамадзянскія і палітычныя правы. Савіных нагадаў, што Беларусь не абяцала адмовіцца ад смяротнага пакарання.
