Еўрадэпутата Марэка Мігальскага зрабілі неўязным у Беларусь
Мігальскі, між іншага, вядомы тым, што апякуецца палітвязнем Змітром Бандарэнкам і нават стварыў сайт у яго падтрымку.
Пра тое, што еўрадэпутату забаронены ўезд у нашу краіну, паведамляе сайт “Вясна” са словаў начальніка Аддзела па грамадзянстве і міграцыі Кастрычніцкага РУУС Мінску. Праваабаронцы хацелі запрасіць Мігальскага ў жніўні ў Беларусь.
Праваабаронца Зміцер Салаўёў хацеў аформіць запрашэнне еўрадэпутату. Ён занёс заяву ў Аддзел па грамадзянстве і міграцыі Кастрычніцкага РУУС Мінску. Праз пяць хвілін пасля сыходу з установы Салаўёву патэлефанавалі на мабільны і паведамілі, што Мігальскі неўязны. Праваабаронцу паабяцалі даслаць пісьмовы адказ.
Нагадаем, што ўезд у Беларусь забаронены старшыні Еўрапарламенту Ежы Бузэку і дэпутату Яцэку Пратасевічу.
