У аўтааварыі пад Касцюковічамі загінуў чалавек (фота)
Яшчэ аднаго кіроўцу давялося дэблакаваць ратавальнікам.
Страшная аўтааварыя адбылася ўвечары 29 жніўня на аўтадарозе каля Касцюковічаў. Як паведамляе прэс-служба ратавальнікаў, там сутыкнуліся легкавыя аўтамабілі "Опель Астра" і "Дэу Ланас".
Пры аварыі загінуў 22-гадовы кіроўца "Опель Астры" з Касцюковічаў. Кіроўца "Дэу Ланас" апынуўся заблакаваным у салоне аўтамабіля, і ратавальнікам давялося даставаць яго гідраўлічнай аварыйна-выратавальнай прылады. Мужчыну шпіталізавалі з траўмамі рознай цяжкасці ў Касцюковіцкую цэнтральную раённую лякарню.
Акалічнасці аўтааварыі высвятляюць супрацоўнікі ДАІ Касцюковіцкага РАУС.
Фота: mchs.gov.by
