У Чавускім раёне вылецела ў кювет і перакулілася маршрутка з пасажырамі
У Чавускім раёне вылецела ў кювет і перакулілася маршрутка з пасажырамі. На шчасце, людзі не пацярпелі. Як паведамляе прэс-служба ДАІ Магілёўскай вобласці, здарэнне адбылося ўдзень 24 верасня на 61-м кіламетры аўтадарогі Магілёў — Чэрыкаў — Касцюковічы. Mercedes-Benz Sprinter з'ехаў у кювет пасля таго, як у нейкі момант вадзіцель не саўладаў з кіраваннем.
У салоне былі 10 пасажыраў. Дваім з іх аказалі меддапамогу на месцы. Па факце дарожна-транспартнага здарэння праводзіцца праверка.
На месцы здарэння / t.me/uvdmogilev
