У Мінск прыляцеў Уладзімір Пуцін
У аэрапорце яго сустракаў прэм'ер-міністр Міхаіл Мясніковіч.
Расійскі прэзідэнт прыме ўдзел у мерапрыемствах, прысвечаных 70-м угодкам вызвалення Беларусі ад нямецкіх захопнікаў і Дню Незалежнасці.
Ён паўдзельнічае ў адкрыцці новага будынка музея Вялікай Айчыннай вайны, ускладзе вянок да мемарыяла Перамогі.
Таксама Уладзімір Пуцін правядзе перамовы з Аляксандрам Лукашэнкам. Як інфармуе РІА "Новости", плануецца абмеркаваць "актуальныя пытанні шматпланавага расійска-беларускага супрацоўніцтва і ўзаемадзеяння ў інтэграцыйных аб'яднаннях".
Фота — БЕЛТА
