У Мінску ДАІ будзе лавіць парушальнікаў правіл паркоўкі відэапасткамі
![У Мінску ДАІ будзе лавіць парушальнікаў правіл паркоўкі відэапасткамі](/sites/default/files/styles/gallery_main/public/2023-08/parkouka_2.jpg.webp?itok=GS4mvj2o)
У Мінску адпрацаваная сістэма відэафіксацыі парушэнняў правілаў паркоўкі, паведамляе агенцтва “Мінск-Навіны”.
Сістэма пачне дзейнічаць ужо сёлета: па сталіцы будуць ездзіць спецыяльныя машыны-відэапасткі. ДАІ ўжо закупіла 10 такіх машын з прыладамі відэафіксацыі.
Апроч асноўнай працы, такія экіпажы будуць фіксаваць машыны, прыпаркаваныя з парушэннем правілаў. Пасля апрацоўкі відэазапісаў парушальнікам дашлюць “лісты шчасця” кшталту паведамленняў, якія кіроўцы атрымліваюць у сувязі з перавышэннем хуткасці.