У Мінску ўжо зарэзервавалі каля 60% месцаў для навагодніх карпаратываў
Жыхары беларускай сталіцы рыхтуюцца да будучай сустрэчы 2015 года.
Рэстараны і кавярні Мінска актыўна прымаюць замовы на абслугоўванне навагодніх, калядных свят і дзіцячых ранішнікаў. Як інфармуе БЕЛТА, каля 60% месцаў у рэстаранах і кавярнях ўжо зарэзерваваныя для правядзення навагодніх карпаратываў.
Пачалі падрыхтоўку да святаў сталічныя крамы. Навагодні гандаль ужо стартаваў у ЦУМе і ГУМе, днямі да іх далучацца універмаг "Беларусь" і гандлёвы дом "На Нямізе".
Фота — БЕЛТА
