У сераду ў Беларусі месцамі будзе да 28 градусаў цяпла, чакаюцца дажджы

Удзень у сераду, 7 жніўня, амаль па ўсёй Беларусі пройдуць кароткачасовыя дажджы (уначы — пераважна ва ўсходняй палове краіны), у асобных раёнах прагназуюцца навальніцы. У начныя гадзіны тэмпература паветра складзе ад +10 да +16 (у Мінску — ад +12 да +14), у дзённыя гадзіны — ад +19 да +25 (на поўдні і паўднёвым захадзе — да +28, у сталіцы — 22-24 цяпла).

У чацвер дажджы і навальніцы магчымыя толькі ў асобных раёнах. Удзень будзе да +29 градусаў. У пятніцу ападкі зноў прагназуюцца амаль па ўсёй тэрыторыі Беларусі.