ГУР Украіны: беларусы будуць аднаўляць расійскія самалёты
МіГ-29 / Krasimir Grozev
Міністэрства абароны Беларусі і ўрад РФ падпісалі тэрміновыя кантракты на рамонтна-аднаўленчыя працы авіяцыйнай тэхнікі, паведамляе Галоўнае кіраванне выведкі Украіны.
“У прыватнасці, працаўнікі 558 авіяцыйнага рамонтнага завода перыядычна ўжыццяўляюць камандзіроўкі ў складзе “выязных груп” для правядзення прац па аднаўленні і ўводзе ў эксплуатацыю авіяцыйнай тэхнікі на 121 авіяцыйным рамонтным заводзе — тэрыторыя авіябазы Кубінка”, — паведамілі ў ГУР.
Кубінка — гэта вайсковы аэрадром у Маскоўскай вобласці. Паводле дадзеных украінскай выведкі, галоўным чынам працы праводзяцца на самалётах тыпу МіГ-29 і яго мадыфікацыях.
