Міністр фінансаў: Мы рыхтуем варыянты бюджэтных карэкціровак
Рэкорднае падзенне цэнаў на нафту зменшыць паступленні ў бюджэт Беларусі ад экспартных пошлін.
17 снежня дэпутаты Палаты прадстаўнікоў прынялі ў другім чытанні праект бюджэту на 2015 год. Аднак з-за сітуацыі ў Расіі і свеце ў галоўным фінансавым дакументце давядзецца рабіць змены.
Вось што заявіў, адказваючы на пытанне Еўрарадыё, міністр фінансаў Уладзімір Амарын:
"Мы рыхтуем варыянты бюджэтных карэкціровак... Гэта не рызыка, гэта бюджэтны працэс. Мы пераглядалі бюджэт і ў бягучым годе, і ў мінулым годзе. Таму мы да гэтага гатовы".
Як вядома, у бюджэце прапісаны кошт нафты — 83 долара за барэль. Цяпер жа ён ужо ніжэйшы за 60 долараў.
Фота — Fotolia
